FRIKAR-akademiet sin produksjonshall i Aurdal, Valdres, opnar hausten 2012. Produksjonshallen vil bli brukt av Norsk Senter for Akrobatisk Scenekunst (NSAS) sine samarbeidspartnarar og eksterne kompani for opplæring og produksjon av akrobatisk scenekunst. Frå august 2012 startar NSAS opp med kurs i FRIKAR-ninja med instruktørar frå FRIKAR-akademiet, Aurdal turnforening og Øystre Slidre karateklubb.

Prosjektet Norsk Senter for Akrobatisk Scenekunst (NSAS) vil foreine kunst, kultur, idrett og leik på ein ny måte. Prosjektet ynskjer å leggje til rette ein arena der tradisjonskunst, undergrunnskulturar og organisert idrett møter kvarandre. NSAS skapar ein arena for utvikling og framføring av tverrfagleg og fleirkulturell kunst og idrett.

Den skal vera til utlåns og utleige for mange born- og ungdomsaktivitetar som arbeider i krysninga kultur, kunst, idrett og leik. Prosjektet prioriterer aktivitetar som manglar arena i Norge, slik som parkour, tricking, hallingdans, capoeira og ikkje minst krysninga av desse aktivitetane med teaterkunst.

NSAS vil samle kunst, kultur, idrett, leik og nærmiljøet på ein unik måte som inkluderer breitt. Prosjektet vil styrke kompetanseutveksling og forståing mellom fleirkulturelle og tverrfaglege miljø i by og land. Arenaen vil skapa langvarig aktivitet og stolt tilhøyre i ei nedleggjingsutsatt bygd.

Arena for tverrfaglege og fleirkulturelle møte mellom kunst, kultur, idrett og leik

NSAS uteareal

Arena for fleirkulturelle møter mellom kunst, kultur, idrett og leik

Planlagte installasjonar

Undergangen ved sidan av produksjonslokaa

Panorama for utearealet

Utearealet